Editoriali

Inferno canto III – in Dialetto Rocchettano

“La Divina Commedia è il più bel libro scritto dagli uomini” J.Luis Borges

“Pe mmé se vaije inde a la città ca soffre,
pe mmé se vaije inde a lu dulore etèrne,
pe mmé se vaije miézz a la gènte pèrsa.

Giustizia muije chi m’ave fatt:

me féce la divina podestà,
lu sapè chiu gruoss e lu prim’amore.

Prima re mè non fuoije crijate niénde
se non etèrne, e ije pure so etèrne.

Lassate ogne speranza vuije ca trasite”.

Quéste parole re culore scure
veriètte scritt ‘ngimma a na porta
tante ca ije: “Maéstre, no’rièsche a capisce”.

E idde a mè, come a chi re cose re sape:
“Qua conviéne lassà ogne suspètte;
ogne paura conviène farla fenisce quà.

Nuije sime arruate a lu poste ca t’avija ritt
a’ndo aija veré li cristiane ca soffrene
ca nonn’arraggionene chiù”.

E ropp ca me mettije la mane soija sope a la mia
uardanneme cu na faccia tranquilla, ije stiètt mèglije
e idd m’accumenzaije a parlà re quére cose c’avija veré.

Quà suspire, chiande e alde uaije
se sentiévene pe l’aria sènza stéll,
pe quèste me mettiètt a chiagne.

E ije ca tenija la cape mbrugliata,
reciètt: “Maéstre, che eija quére ca sènde?
e che crestiane so quiste ca se lamèndene tante?”

E idde a me: “quéste eija quére c’attocca

a l’aneme scunsulate re quire

ca cambarene sènza ess né carne e né pésce”.

Recorde re lore lu munn nonn’lassa,
meserecordia e giustizia re sdègna,

non parlame re lore, ma uarda e passa.

E ije, uardann mèglije, veriétt na bandiéra
ca gerann se muija accussì forte
ca me parija ca non se fermass maije

e appiérse a edda ce stiévene
tanta crestiane ca ije non avéss maije penzate
ca ce fossere tanta muorte.

E ecche ca vénn vèrse re nuije cu na barca
nu viécchije, cu li capidd e la varva ianca,
allucquann: “uaije a vuije aneme rannate!

No’sperate maije re veré lu ciéle,
i vènghe pe ve purtà ra l’alda parte
a l’ascurija etèrna, a lu call e a lu gèle.

E tu ca staije quà, anema viva,
alluntanete ra quiss ca so muorte.

Ma quann védd ca ije no’m’allundanava,

risse: pe n’alda via, e n’aldu poste
aija sci a la spiaggia, no’ra quà, pe passà
te conviène farte purtà ra na barca chiu lèggia.

E lu Maèstre a idd: “Caronte non te préoccupà,
se volze accussì ddà a‘ndo se pote
quére ca se vole, e basta addummannà”.

Ritt ste parole, attuorne se féce tutt a l’ascurija, sembrava nott
e po tremaije accussì forte ca pe la paura
stache ancora tutt surate.

S’alzaije nu viénde sope a la tèrra umeda re lacreme

e apparse na luce rossa, lucènda
ca non me féce capisce chiu niènde

e cariétt come a n’ommene ca s’addorme re bott.

Related Articles

Lascia un commento

Il tuo indirizzo email non sarà pubblicato. I campi obbligatori sono contrassegnati *

Check Also
Close
Back to top button